NyheterNytt spel i spelarkivet
20.05.2015
Eit spel frå spelinga måndag 18. mai er lagt til i spelarkivet
Joleiv og Jørn vann måndag 18. mai
18.05.2015
Siste spelekveld denne sesongen blei vunne av Joleiv Midttveit - Jørn Rekkum med 67,1 & score. Elisabeth Østrem Over - Wenche Torgersen Nyborg blei nummer to med 61,9 %, og tredjeplassen gjekk til Thea og Bjørn Hauge med 60,5 %. Fullstendig resultatliste og spelanalysar her Årsmøtet som blei avvikla før spelinga gjekk utan dramatikk. Styret som har vore inneverande sesong held fram også neste med eit unntak. Wenche Torgersen Nyborg erstattar Olav Monstad. Årsmelding og rekneskap ligg i saka under. Dette var siste spelekveld denne sesongen. Første kveld til hausten blir måndag 24. august. God sommar til alle, og vel møtt igjen i august! Årsmøte måndag 18. mai kl 18.30
13.05.2015
Det blir årsmøte i forkant av spelinga måndag 18. mai. Årsmelding og rekneskap i lenka under (pdf-fil). Vel møtt! Jørn og Joleiv til topps måndag 11. mai
11.05.2015
Spelinga måndag 11. mai blei vunne av Jørn Rekkum - Joleiv Midttveit med 61,7 % score. Tettbak på andreplass med 61,3 % kom Reidar Fosse - Gunnar Holm, og tredjeplassen gjekk til Frode Dyrstad - Dag Christensen med 59,6 %. Neste måndag er siste spelekveld denne sesongen. Vi startar kl 18.30 med årsmøte, og speler etter møtet (tilpassar antall spel). Årsmøtepapira blir sendt ut i løpet av veka. Vel møtt! Os vann 7. utgåve av Pokalkampen mot BAK
07.05.2015
Os og Bergen Akademiske BK møttest til Pokalkamp måndagane 27. april og 4. mai. Dette var sjuande året på rad at vi møttest til kamp, og aldri har vel kampen vore jamnare. Første kveld vann Os med ein snittscore på para på 51,67 %. Andre kvelden var BAK best. Snittscore på ospara denne kvelden blei 49,23 %. Det held med eit naudskrik til samanlagtsiger for Os som totalt oppnådde 100,9 % mot BAK 99,1 %. Etter sju år er dermed stillinga at BAK leier kampen 5-2. Individuelt var det ingen tvil om kven som var best. Øyvind Henden vann like godt begge kveldane (med forskjellig makker), og vann dermed overlegent. Beste osspelar blei Tor Anders Hauge med tredjeplass. Andre kveld Pokalkampen Os-BAK
04.05.2015
Andre kveld av Pokalkampen mellom Os og BAK blei spelt måndag 4. mai. Resultata blir lagt ut tysdag. Stig og Roger vann Bridge i Havgapet
02.05.2015
Strålande ver, og strålande innsats av osingane som hadde funne vegen til Austevoll 1. mai for å spela Bridge i Havgapet. Stig Gamlemshaug og Roger Træet, Os/Stord vann turnneringa som blei spelt over 48 spel. 28 par stilte til start, og premie blei det og til Thea Hauge og Joleiv Midttveit med sjetteplass. I tillegg til dette henta osingane heim ein masse spurtpremiar, som denne gongen var røykt aure. Stig og Roger under premieutdelinga. Til venstre for Stig, turneringsleiar Oddmund Midtbø. Øyvind Henden - Sven-Olai Høyland vann første kveld av klubbkampen
27.04.2015
Vinnarar av første kveld av klubbkampen mot BAK blei Øyvind Henden - Sven-Olai Høyland. 71,4 % score oppnådde dei, noko som kan nå eit godt stykke opp på landsbasis då vi også spelte simultanturnering. På andreplass kom Tor og Christian Bakke med 70,6 %, og tredjeplass til Anne Merete Heggland - Leif Juvik med 64,4 %. Kampen mellom klubbane er ganske tett med ei knapp Os-leiing før siste kveld. Pokalkampen blir avslutta med returoppgjer på Os komande måndag; 4. mai. Også spelarar som ikkje spelte første kvelden kan spela. Vi startar klokka 18.30. Vel møtt! Simultanresultat på landsbasis kjem truleg tysdag ettermiddag. Link til dei kjem her. Resultata blir oppdatert etter kvart som dei kjem inn og er truleg endelege i løpet av veka.
|