NyheterMøter BAK 3 i tredje runde
03.12.2013
Trekninga av 3. runde NM klubbar er klar. Os fekk heimekamp mot BAK 3. Frist for avvikling av kampane er 12. januar. Heile trekninga her Carl-Otto og Reidar vann MP-treffen
02.12.2013
Første veka i desember er det som vanleg MP-treffen som står på programmet. Vi deltok som vanleg, og vinnarar lokalt hos oss denne gongen blei Carl-Otto Curran og Reidar Dale. Andreplassen gjekk til Kåre Solibakke - Leif Juvik, og tredje til Unni Skreslett - Kåre Kristiansen. Lokale resultat her. Sidan MP-treffen er open også for klubbar som ikkje bruker Ruter vil det nok gå litt meir tid enn vanleg før resultata på landsbasis føreligg, men vi kan jo håpa å ha dei i løpet av veka. Link til resultat kjem når dei føreligg. Vi har no 14 påmeldte til turen til Herdla 11. - 12. januar. Vi satsar i alle fall på å bli 16, så det er bare å melda seg på til Anne Merete. Nyttårsturneringa har i skrivande stund 18 påmeldte par. Vi håper å fylla opp turneringa før jula ringer inn. Påmelding og info her. Årskontigent for 2014 forfell 31. desember. Standard kontigent 2014 (som er det som gjeld for alle våre medlemmer) er 300.-. Junior kr. 100.-. Betaling kan gjerast til Linda før nyttår. Os til 3. runde NM klubbar!
01.12.2013
Os har med eit lag i NM klubbar i år, og laget spelte første og andre runde søndag 1. desember. Kampane blei avvikla i Samnanger, og motstandarar var Samnanger BK 1 og Aurland. Os tapte kampen mot Samnanger, men vann stort mot Aurland. Det var nok til å vinna puljen, og dermed avansera til 3. runde. På laget spelte Thea Hauge, Bjørn Hauge, Kåre Kristiansen og Leif Juvik. Resultata frå 1. og andre runde NM her. Vår pulje er pulje nr. 28 Olav og Leif vann måndag 25. november
26.11.2013
Spelinga måndag 25. november blei vunne med knapp margin av Olav Monstad - Leif Juvik, framfor Jørn Rekkum - Joleiv Midttveit på andreplass. Desse to para scora begge over 60 %, medan Kåre Kristiansen - Unni Skreslett på tredjeplass scora akkurat 50 %. Resultat og spelstensilar her Neste måndag; 2. desember går årets MP-treff, og deretter speler vi to måndagar til før jul. Hugs og Nyttårsturneringa søndag 29. desember. Innbyding til denne er no gått ut, og turneringa nærmar seg halvfull. Påmelding og info til turneringa her Carl-Otto og Reidar vann lokalt
18.11.2013
Siste simultanturnering før jul (MP-treffen unntatt) blei spelt måndag 18. november. Lokale vinnarar blei Carl-Otto Curran og Reidar Dale med 63 % score. Bjørn Hauge og Frode Dyrstad blei nummer to med 62,5 %, og Thea og Tor Anders Hauge på tredjeplass med 60,1 %. Lokale resultat her Resultat på landsbasis her. Denne er no offisiell, men ser i alle fall at resultata frå Bergen Akademiske manglar, så kanskje kjem det ei oppdatert liste seinare. Bjørn Hauge og Frode Dyrstad blei best av våre denne gongen med 8. plass. Neste måndag er vanleg speling, og måndagen deretter speler vi MP-treff. Vel møtt! Hugs og påmelding til Nyttårsturneringa. Innbyding til denne blir sendt i næraste framtid, men alt før innbyding er gått ut har påmeldingane begynt å koma. Link til turneringa her Jørn og Joleiv vann klubbmeisterskapet
11.11.2013
Siste kveld av årets klubbmeisterskap blei spelt måndag 11. november, og sigeren gjekk som forrige spelekveld til Jørn Rekkum og Joleiv Midttveit. 63,2 % scora dei, og med det resultatet vann dei og klubbmeisterskapet samanlagt. Gratulerer til dei! Nummer to denne gongen blei Elisabeth Over - Wenche Nyborg, og tredjeplassen til Thea og Tor Anders Hauge. Fullstendig resultatliste med spelstensilar her For samanlagtliste; sjå les mer. Neste måndag; 18. november går siste simultanturnering før jul. Måndagen deretter der det vanleg speling, og 2. desember blir det MP-treff. Vel møtt! Innbyding Nyttårsturneringa
06.11.2013
Her er innbyding til Nyttårsturneringa, som i år blir spelt søndag 29. desember. Klikk biletet for større versjon. Jørn og Joleiv best 4. november
04.11.2013
Spelinga måndag 4. november blei vunne av Joleiv Midttveit - Jørn Rekkum med 68,4 % score. Kåre Solibakke - Frode Dyrstad blei nr to med 64,9 %, og tredjeplassen gjekk til Carl-Otto Curran - Reidar Dale med 57,1 % Fullstendig resultatliste med spelstensilar her Samanlagt når ein kveld gjennstår av klubbmeisterskapet leier Carl-Otto og Reidar med 126,7 %. Nummer to er Joleiv og Jørn med 122,6 % Middels er 100. For resten av samanlagtlista; trykk les mer Klubbmeisterskapet blir avslutta neste måndag, og måndagen deretter speler vi simultanturnering. Vel møtt!
|